آذربایجان چوخ گؤزل
آذربایجان چوخ گؤزل
دنیزی وار،داغی وار
آغاجی وار،باری وار
آلماسی وار،باغی وار!
ساوالانی تای سیزدیر
بیردونیادیرسهندی
«شه هَر یئری» گؤرمه لی
جنّت كیمین دیركندی !
«گؤی مچچیدی» چوخ اعلا
گؤزل« بابك قالاسی»
ایستی سویو،ائل گؤلؤ
گره ك دئییم: قاداسی !
قوشاچایی ان گؤزل!
خیاوین وارویقاری
سئویندیریرمیللتی
خوی داشمسین مزاری
من گئتمیشم گؤرمیشم
قوتورسویو،شابیلی
دالغالانیب سئومیشم
اردبیل،شورابیلی !
چوخ زنگین دیر،دَیَرلی
ماكوگؤزَللیكلری
گؤزلوتفرّجگاهی
قوشلارون جیك جیكلری !
باشكندین ایستی سویو،
سودره سی،آرازی
چنگیزخانین بولاغی
اردكی،جوجه،غازی!
قیش دَه بَتَر سویوق دور
اورموهاواسی بوزدور!
یاردیم ائدین اوشاغلار
اورموگؤلو سوسوزدور!
دوچرخه لر شهرینه
گلین گئدَك بینابا!
یوخسول آداملاركیمین
حمله ائدَك كبابا !
بیزی اورداسسله ییر
آذربایجان آتاسی
اوجاسسله چاغیریر
بیزی قیزلارقالاسی !
مَرَندَه دوشدویولوز
اونوتمایین زنوزو !
گؤزل گؤزل باغلاری
تویوغلاری،خوروزو !
اونوتمایین اوشاغلار
قوجا،گؤزل زنگانی!
داش كسَه نین معبدین
پیچاغلارین،هریانی !
گئدیب دیققتله گؤرؤن
كتله خورغارینی
ائل داغینین پاركینی
قدیمی بازارینی !
توكندی شعریم اولسون
سیزه داغلاردایاغلار!
من گئدیرم یوخلاییم
گؤله گؤله اوشاغلار!!