الهی سَن نییَه یاری یاراتدون؟

نییَه مجنون گرفتاری یاراتدون؟

 

نییَه اوغرولاری دونیایاگئتدون؟
گؤتوبوش«حاجی مختاری»یاراتدون؟!

 

 

ندَن ایرانلی نی لاپ اختلاسچی!
الی اگری وبازاری یاراتدون؟!

 

 

بیرینی آوروپاداغرق عشرت!
بیرینی غرق درزاری یاراتدون!
 
بیزه پول وئرمه دین،آممالیمونو
دوداغی قیرمیزی ناری یاراتدون!

 

 

وئریب سَن وارلییادونیای ثروت!
الی بوش اینسانی ساری یاراتدون!

 

 

نییَه ایراندافرهنگی نی یوخسول!
گرفتاروقوجا-قاری یارتدون؟!

 

 

حرام ائتدون ولی سنتورودنبک!
قره نی،شیپوروتاری یاراتدون!

 

 

فیکیرلشدیم ولیکن بیلمه دیم هئچ
نییَه زُهاد ِ بی عاری یاراتدون!

 

 

پیشیک لرتک بیزی حسرت دَه قویدون!
نزارات قونشوگلناری یاراتدون!

 

 

آپاردین جنته پنتی آدامی!
بیزی دوزخده انگاری یاراتدون!

 

 

«کل اوغلان»سن درین شعری بوراخدین!

 

سبک دیوان اشعاری یاراتدون!!